Τετάρτη 22 Δεκεμβρίου 2010

Славомакедонија најдобро ви стои

Интервју
Славомакедонија најдобро ви стои
http://www.utrinski.com.mk/?ItemID=C6917633F6030C4B8562A2BC49CBDEAA
Jaнис Бутарис, градоначалник на Солун
Никола Груевски заради своја лична корист не' држи сите како заробеници на националпатриотизмот
Од нашиот дописник
Миркица Поповиќ


Атина - Јанис Бутарис, новиот солунски градоначалник, пред себе има една главна цел - да ја врати насмевката на лицата на солунчани. Новиот градоначалник со децении успешно раководи со семејниот бизнис и винарската визба „Кријани“, се истакнува со својата филантропска работа преку невладината „Арктурос“ за заштита на диви мечки и волци, со финансирање на Музејот за современата уметност во Солун и со развивањето до туристичка совршеност на малото село Нимфео.

Меѓутоа, покрај неговата досегашна работа, Бутарис во својата биографија од неодамна ја стекна и етикетата „пријател на Македонците и Турците“, што му ја припишаа националистите поради неговиот отворен, пријателски став спрема грчките соседи, но и одбивањето на соработката со солунскиот митрополит Антимос. Многумина го толкуваат неговиот избор како конечно ставање крај на владеењето на национализмот и мешањето на Црквата во функционирањето на градот, додека, пак, оние другите веќе го етикетираа како предавник и пријател на сите грчки „непријатели“.

Самиот ни кажува дека е Влав и има потекло од Крушево, но, за жал, разбира многу малку влашки, а не разбира македонски. Од она што го говори, јасно е дека неговото образование, потекло едноставно не му дозволуваат да има ксенофобичен став. „Не можам да разберам зошто да се карам со соседот кога може да имаме добри односи и да соработуваме. Факт е дека кога се добри односите, кога сме здружени работите се подобри. Една од моите цели е да ја отстранам оваа фобија и лошо мислење за соседите. Дали ќе успеам не знам“, вели Бутарис.



Господине Бутарис, Солун по 25 години има градоначалник кој не е од десничарска партија. Многумина го сфатија ова како нов, долгоочекуван почеток за Солун, крај на национализмот и политичко либерализирање на гласачкото тело во северна Грција. Како го протолкувавте Вие?

Гледам дека Солун е подготвен за промени. Впрочем, тоа што ме избраа за градоначалник е јасен доказ дека им се потребни тие промени. Доста им е од ксенофобијата, национализмот и квазипатриотизмот. Работите, сепак, се посериозни отколку што мислев.



Ве гледаме повеќе како бизнисмен отколку како политичар, бидејќи целиот свој живот сте во бизнисот преку раководење со винарската визба „Кријани“ и производство на вината со печат Бутарис. Од она што го говорите, добиваме впечаток дека го гледате градот како една бизнис-инвестиција што треба да се развива и подобрува.

Пораснав во бизнис-средина, тоа го студирав и тоа и го работам. Една организација, како што е општината Солун, во која работат 4.500 луѓе, не можете да ја гледате на друг начин освен како бизнис-компанија. Оваа организација треба да работи, но, пред се', да ги услужува граѓаните. Поради тоа, треба да се најде добар начин, карактеристичен, кој ќе биде и успешен. Не можам да кажам дека раководењето на градот нема да има и политичка црта, има политичка цена, но тоа е работа на избраниот, не на целата општина.



Велите дека планирате да донесете многу повеќе туристи во градот и од Балканот, но и Евреи и Турци, чии претходници имаат своја историја во Солун и кон кои во градот се гледа со малку поинакви очи. Говорите и за возобновување на мултикултурниот дух на Солун.

Во Солун ќе се менуваат работите. Во градот многу години по војната опстојуваше ставот дека треба да ги штитиме границите од сите страни, особено од север, дека ќе не' нападнат Турците итн. Ништо од тоа не е случува, ниту, пак, е реалност. Имаме голем број инвестиции во ФИРОМ, со Турција, исто така, имаме добра соработка и врски. Идентитетот на овој град, ако го гледаме низ спомениците од последните 500 години, покажува дека имаме и споменици од Отоманската Империја и од Евреите и тоа треба да го прифатиме и употребиме. Не треба да се плашиме или да ја криеме историјата. На пример, јас сум Влав, потекнувам од Крушево и нашата куќа се наоѓаше кај црквата во Крушево. Таму сум бил многупати. Не можам да разберам зошто да се карам со соседот кога може да имаме добри односи и да соработуваме. Факт е дека кога се добри односите, кога сме здружени, работите се подобри. Еден од моите цели е да ја отстранам оваа фобија и лошо мислење за соседите. Дали ќе успеам, не знам.



На каков начин би го направиле тоа?
За да дојде до приближување на народите и менување на ставот, потребно е да се креираат ситуации и примери преку кои граѓаните што ги имаат овие стравови и фобии ќе ги ставиме во мисла и ќе почнат да ја разбираат ситуацијата и од друга перспектива. Од една страна, сакаме да доаѓаат туристи од Скопје, Бугарија, Турција и да уживаат во градот, во нашите продавници, рестораните и плажите. Но, од друга страна, се' уште го имаме оној негативен став дека се странци. Треба да ги прифатиме со насмевка како свои затоа што тие луѓе доаѓаат и ни оставаат пари. Тоа треба да ни стане јасно. Не доаѓаат тука дека сме им симпатични, туку за да си поминат добро, а ние треба да им го овозможиме тоа.



Преку Вашата невладина организација за заштита на дивите животни „Арктурос“ уште во 1990-тите години започнавте соработка со Македонија на полето на заштита на дивите мечки и волци. Би размислиле ли за соработка на поинакво ниво, на пример, заеднички проекти и збратимување на Солун со некој град од Македонија?

Конкретно, постои соработката на „Арктурос“ со Скопје, но и речиси со сите балкански држави. И ние не сме единствените, има и голем број други невладини организации што имаа активности. Дел од причините зошто сега се во застој тие заеднички активности, меѓу другото, и од „Арктурос“, е недостигот од финансиски средства. Меѓутоа, со Скопје проблемот е и несогласувањето околу името и поради тоа доаѓа до застој во работата. Но, ги одржуваме контактите и штом се подобрат условите, ќе продолжиме со соработката. Околу идејата за збратимување на градовите, можам да кажам дека тоа би можело да биде дел од мојата програма како градоначалник. Поради тоа, сакаме да се најде решение за проблемот, но треба и Скопје да стави малку вода во виното, да направи отстапки. Националистичките ставови на Груевски не се најдобрата работа на светот.



Вашата изјава дека не гледате ништо лошо во двојната формула како решение за спорот за името со Македонија наиде на позитивен одглас во Македонија. Вие сте еден од поретките јавни личности и политичари кои се осмелиле да го кажат тоа. Мислите ли дека Вашиот став ќе може да го пренесете како градоначалник на грчките граѓани и да добиете поддршка за тоа?
Не знам дали можам да го пренесам и колку ќе добие поддршка, но верувам дека двојната формула е многу добро решение, дали како Славомакедонија, дали како Вардарска или Нова Македонија. Тоа е добро решение за да се подобрат односите. Сепак, она што не' вознемирува е узурпирањето одредени луѓе и одредени ситуации. Словените дошле на Балканот во 600 година од нашата ера, но тоа не значи дека во овој регион не живееле народи многу години пред нив. Тоа што се преселиле во овој регион и се тука илјадници години сигурно им дава можност да се нарекуваат Македонци, но потребна е и една специфична карактеристика за да се направи разлика, бидејки тука и претходно постоеле Македонци. Тоа се две различни работи и треба на сите да ни бидат јасни.

Она што ме чуди е зошто еден Словен или цела група луѓе што потекнуваат од Словените, кои како народ имаат направено толку многу работи и имаат значајна историја на која треба да се гордеат, бараат и сакаат други работи и друга историја со која ќе бидат горди. Тоа многу ме чуди. За мене е многу добра идеја името Славомакедонија, подобра од Северна или Нова Македонија. Ќе ми остане енигма ова прашање, но верувам дека со сложеното име ќе имаме добро решение за сите.



Го поддржувате ставот дека национализмот и патриотизмот не се на цена и не помагаат никому. Неодамна изјавивте дека не мора постојано да мавтате со грчкото знаме за да покажете дека си ја сакате државата. Каде е границата меѓу патриотизмот и квазипатриотизмот и зошто на Балканот се' уште боледуваме од вакви симптоми?

Границите на балканските држави се направија таму каде што застана војската, без прашање и план, и по Првата светска војна и по балканските војни. Тоа создаде една потреба да изградиш идентитет, да знаеш кој си. Тука лежи и проблемот со Скопје. За да знаеш кој си, треба сите околу тебе да се исти со тебе. Оваа несигурност што постои за идентитетот создава националпатриотски круни и ѕидови кои се на еден начин изразување на фанатизмот. Со фанатизам никогаш не може да се најде решение. Треба посмирено да ги погледаме работите, да видиме што претходело и врз основа на таа историја да ја моделираме иднината. Она што е сигурно е дека животот на Балканот беше мирен за време на Отоманската Империја. Кога се поделија границите и народите, почнаа кавгите. Во одредени држави, како што беше Југославија, луѓето беа обединети додека постоеше федерацијата, политичкиот систем беше стабилен. Кога се распадна Југославија, се распадна и системот и сите се бореа да се запечатат во една сопствена држава без да има други како натрапници.



Грција се соочува со тешка економска криза. Сметате дека нејзината разврска ќе доведе до политичка модернизација или, пак, ќе ја втурне во порадикална реторика?
Економските мерки што ги презема владата во Грција, секако, ќе предизвикаат многу турбуленции и во економијата и тоа доведува до создавање нови ситуации, кои можно е да водат кон промена и модернизирање на политичките ставови. Јас сум оптимист и мислам дека работите ќе одат кон подобро.



И во Грција и во Македонија се' уште има случаи на вандализам од радикалните организации што создаваат несигурност кај некои од граѓаните за патување. Како би можело да се реагира за да се елиминираат вакви појави за да не се создава страв кај граѓаните?

Фанатици имате насекаде. Но, ако малку ги спуштиме тоновите во спорот со името, мислам дека ќе успееме да ги намалиме овие инциденти. Еден голем извор на проблеми мислам дека ќе биде новиот споменик на Александар во Скопје. Никола Груевски изгледа дека се обидува за своја лична корист да одржи една ситуација, која не' држи сите како заробеници на националпатриотизмот. Единствен начин да се измени оваа ситуација е снижување на тонот со кој се разговара за името. Меѓутоа, во БЈРМ мора да разберете дека треба да се направат дополнителни отстапки, бидејќи она што е направено досега не е доволно. Оваа националистичка политика не е без последици.



Што би советувале да се направи за да може повеќе да се зближат граѓаните од двете држави, да ги разберат секојдневните проблеми и да видат дека покрај работите што ги разделуваат, има и многу што ги доближуваат едни до други?

Видете, тоа може да се постигне преку медиумите, училишните книги, интервјуа, размени... Еден обид е оној што го имаме како винарска визба, т.е. соработката со Кавадарци за приближување на винските патишта. Овој проект е во изработка и ќе се работи и во регионот на Преспа. Овој период имаме состаноци за да видиме во која насока да оди соработката за да се развијат и соработуваат винските патишта во регионот. Ваквите примери на соработка ќе бидат доказ дека е целосно бесполезно она националистичкото удирање в гради.
Го имате ли посетено Скопје? Со проектот „Скопје 2014“, многумина сметаат дека градот ќе стане попривлечен за туристите. Каков е Вашиот став, која стратегија Ви изгледа како ефективна за привлекување туристи во еден град?
Развивањето на туризмот може да оди преку поголемо истакнување на историските моменти на еден регион. Потоа, важни се и продавниците, локалниот карактер, рестораните и сликовитоста на градот. Скопје, колку што барем јас го знам градот, има туристички потенцијал. Интересни точки се Музејот на современата уметност, Кале, Камен мост, има многу интересни места и моменти што би ги воодушевиле туристите. Меѓутоа, спомениците се малку фашистички момент. Особено ако не се останати од некој историски период. Денешните скулптури треба повеќе да се уметнички дела отколку споменици на паднати борци. Сметам дека е огромна грешка споменикот на Александар Македонски, кој ќе предизвика гнев во Грција и само ќе ги влоши работите. И, на крајот на краиштата, треба да се обрне внимание да не се преполни еден простор со споменици. Едно се уметнички скулптури со кои би се обиделе да создадеме одредено уметничко чувство и вредност за градот, а сосема друго се спомениците на херои.


Со децении сте вклучен директно во винарскиот бизнис во Грција. Каква разврска може да се очекува околу терминот „македонско вино“.

До овој проблем дојде бидејќи во Грција имаме побарано преку меѓународните инстанции да се почитува одлуката во германските продавници за вино единственото вино со етикета „македонско“ да биде од Грција. Според договорите со ЕУ, виното од еден регион во Грција се води како македонско вино, бидејќи се произведува во регионот Македонија во Грција. Според правилата, името на виното кое се произведува во еден предел обично доаѓа од карактеристичното име на регионот. Кога од Скопје го користат името „македонско вино“ создаваат забуна, бидејќи според податоците на ЕУ, македонско вино е она што се произведува во грчкиот регион Македонија. Скопје како држава тврди дека има право на терминот „македонски“, што не е баш правилно, бидејќи се' уште се води како ФИРОМ во ОН. Па, дури и ова е еден вид узурпирање на терминот. Друг проблем се појавува и при разликата на цените на вината. Некои од грчките винарски визби, меѓу кои и мојата, имаме соработка со винарниците во Кавадарци, но, за жал, го имаме овој проблем и несогласување со именувањето на вината.

#
Статијата е прочитана 3453 пати.

Испрати коментар





Од: nekoj
Датум: 22.12.2010 12:20:57
Konecno nekoj open-minded....odgovorite ednostavno tecat, so merak da se cita tekstot. Ajde najdete resenie veke ednas. So udiranje glava vo sid samo glavata boli :)





Од: Трпче
Датум: 22.12.2010 12:25:25
ti si bil da ja vidis rodnata kuka vo Krushevo, ama egejcite ne mozea...





Од: zoro
Датум: 22.12.2010 12:30:08
" Тоа што се преселиле во овој регион и се тука илјадници години сигурно им дава можност да се нарекуваат Македонци, но потребна е и една специфична карактеристика за да се направи разлика, бидејки тука и претходно постоеле Македонци. Тоа се две различни работи и треба на сите да ни бидат јасни. " ПОТРЕБНА Е СПЕЦИФИЧНА КАРАКТЕРИСТИКА ЗА ДА СЕ НАПРАВИ РАЗЛИКА Тоа го вели градоначалникот, тоа е ставот на Грција, тоа е нивната црвена линија. Дали сега ви е јасно на сите, од Бранко до чистачките на Заев, дека за идентитетот се работи?





Од: vasil
Датум: 22.12.2010 12:42:12
Hej Butaris, nema slavo Srbi, slavo Russi, slavo Slovaki, slavo Bugari, ni slavo Makedonci, tuku ima Srbi, Russi, Slovaki, Bugari i Makedonci. Kako mislete koj se vashite Makedonci, tie shto dojdoa od Mikra Asia, kako pola Grci i Turci, ili tie shto se naselia vo Egejska Makedonia posle okkupaciata vo 1912-13 godini. Ne e vazno vo koja strana ste, ili ste dojdeni od levitsata ili od desnitsata. Vash odnos kon Republika Makedonia i Makedoncite e rasistitski i fashistitski.





Од: caki
Датум: 22.12.2010 12:47:39
Avtorkata namerno zaboravi da go prasha g-not zoshto nema spom. na Aleksandar vo Atina....fashist obvinuva za fashizam....toa e nov liberalizam..





Од: Hari
Датум: 22.12.2010 13:15:24
Народот на Грција веќе се преокупира околу економијата а национализмот го остави на последните митинзи во Солун и Атина пред многу години. Кога ние ќе го осудиме нашиот национализам, кога ќе кажеме отворено дека Грујо го користи проблемот со името како параван да го плјачка народот тогаш ќе тргнеме напред. Секоја чест на Господинот Јанис. Еден ден ќе сватиме дека и ние и Грците имаат право на тоа име но треба да се договориме а национализмот да го сахраниме.





Од: Trene
Датум: 22.12.2010 13:36:04
Spored tezata teritorija Makedonija, treba da se razlikuvaat 'makedoncite' zavisno od koj del na taa teritorija doagjaat, od koja drzava. No, relanosta e i taa sto lugje koi se identifikuvaat kako etnicki Makedonci, koi bile etnicki Makedonci najmalce od doagjanjeto na sloveni (ako ja gledame taa teorija za tocna), a ne se nisto drugo, ne se prifateni za tie sto se. Ima grcki Makedonci, odnosno grci koi imaat nadimak i Makedonci, no ima etnicki Makedonci, koi ne se nisto drugo osven Makedonci, koi ne se nareceni Makedonci poradi teorija, tuku poradi nacionalnost. Zatoa za da se razlikuvaat treba grckite Makedonci ednostavno sekogas da go upotrebuvaat terminot grcki makedonec, ili grcka makedonija. Za Makedoncite makedonstvoto e ime, ne prekar. Nema dodavki kaj niv. Grcija treba da se sooci so realnosta. Ednostavno resenie.





Од: Janakiev Nikola
Датум: 22.12.2010 13:39:27
Janis deka zastanal vojskite e izmisleno. bez istina nema spokojstvo pozdrav od Kole Perth.





Од: До Зоро
Датум: 22.12.2010 13:41:58
Па нормално дека се работи и за идентитетот!Не можеш да крадеш туѓ идентитет и да присвојуваш туѓа историја!Дали сега нешто ти стана јасно?Секој просечно интелигентен го сфаќа спорот,но тебе не можам да те сврстам во таквите!





Од: патриот
Датум: 22.12.2010 13:45:16
Славомакедонија за мене е најавтенично решение. Отсекогаш сум го мислел тоа. Ако јазикот е татковина, нашиот јазик е со славјански корен.Не е логично да се фалиме со Кирил и Методи, Климент и Наум, славјанскиот Универзитет, а да посегаме по хелинимзот.Просто е шизофрено да се повикуваме на два спротиставени иднетитети.Особено шо за мене Православието е духовната вертикала на идентитетот, која ама ич не оди со паганскиот хелинизам.Не дека Грците се во право за Егејот.И јас имам свои претци таму. Но ако ние решевме Славомакедонија 90-те , ќе имавме признати егејци , имоти, Црква и поддршка, а Албанците задоволни со јазик и Универзитет.Сега, тешко...пс. Со Бугарите е главнат битка за Идентитетот, кој сваќа , сваќа...





Од: Ozi
Датум: 22.12.2010 13:54:05
Ние балканците сме неправедно поделени во речиси 10 држави. Барам обединување во една држава во која ние, балканците, конечно ќе бидеме слободни. Гласам за Република Балкан, држава на балканците.





Од: pollogu
Датум: 22.12.2010 13:55:35
toj ne znae deka tuka zhiveat shto ne slavjani.





Од: Vodno
Датум: 22.12.2010 14:21:14
Vasile, 1913 e podelena teritorija Makedonija a ne drzava, naselenieto se vikalo Risjani, Bugari i Srbi ili Vrgare. Edna od zemjite koja demnes se narekuva fasisticka e Makedonija na celo so Duce Grujo.Se drugo e za domasna upotreba





Од: Јован АН
Датум: 22.12.2010 14:29:06
Господине градоначалниче на Солун!Македонија направи многу отстапки само поради добрососедки односи: со согласи да разговара со Грција за проблемот што го има таа со нашето име(Привремената спогодба од Њујорк);се согласува Грција да ни се обраќа со име која таа ќе го одбере (ако не е навредливо);го промени Уставот;го промени државното знаме;итн.Зарем не е тоа “доволно вода во виното“?Да се тврди дека еден народ (Македонскиот) не постои во најмала рака е смешно и знак на недоволна култура и недостаток на домашно воспитување!





Од: Petre
Датум: 22.12.2010 15:06:53
Ve molam dajte poveke informacii za ovoj gospodin Vlav, dali toj veli "Solun"? ili Tesaloniki? Ova e propust na novinarite ....zosto ne go prasaa dali toj bi prifatil ime na nasata drzava, na primer..:Bivsa Turska Republika Makedonija? ..zaedno sose tapiite na makedoncite....





Од: kosta
Датум: 22.12.2010 15:08:20
abe Buturis tieMakedonci sto vikas deka se naselile od nekade,gresis.Tie ne se naselile od nikade tie si se od tuka.samo vie grcite imate problem so imeto Makedonija. Zasto imate problem? zatoa sto ke nemate istorija koga ke se priznae imeto Makedonija. Nemoze vie da go slavite ni Filip ni Aleksandar Makedonski,zatoa sto tie bile VARVARI za vas(ne bile grci)Toa najdobro go znaete od site. A imeto Makedonija najmalku vi pripaga vam,zatoa sto niz istorijata sto sakate da ja prisvoite,sekogas ste bile protiv Makedonija.Duri i so najcrniot vas dusman Persija,sto ve plackal i ubival, ste se zdruzuvale protiv Makedonija. samo vie ako ne sakate toa da go priznaete i prodavate neodrziva filozofija(GRKO-MAKEDONEC),pa toa e vas problem.Vie imate problem vo umot,site ,ama bas site Grci. Ako se smetate za potomci na Aleksandar,koj imal svetol ten,od kade e toj vas Temen ten.(CRN TEN).pa od uvoz,od Arabija ili neznam od kade .Pa i tvojot ten Burgos ne kazuva deka si Vlav. Tie se ubavi luge





Од: Dragica Lapajkoska-Belchevski
Датум: 22.12.2010 15:19:01
G-ne Gradonacalniku, Vasata drzava bidejci e novokomponirana od 1830 god.,zatoa najdobro bi bilo da vi se vika Poranesna makedonska republika Grcija. Dragica





Од: Goran
Датум: 22.12.2010 15:23:14
Da vi odgovoram so prasanje. Ako slovenite se doselile na ovoj del to neznaci deka Makedoncite koi sto ziveeele tuka izumrele i deka nesmeat da se narekuvaat Makedonci. Sto ke mi kazete za Grko-Turcite koi se doselile vo Severna Grcija, zosto tie ja koristat istorijata na Antickite Grci koga nemaat nisto so niv? Zosto Grcite se edinstvena nacija koja sto ne priznavaat nikavo malcinstvo i koi sto tvrdat deka se cisti "krvni" naslednici na Antickite Grci? KOlku sto vie imate pravo da se narekuvate Grci, nie imame uste poveke pravo da se narekuvame Makedonci.





Од: ilija
Датум: 22.12.2010 15:25:00
Direktno vistinata u lice....I sea kje pochnat komentarite-fashisti,cigani,Solin e nash,egej ovo ono

Δεν υπάρχουν σχόλια:

Δημοσίευση σχολίου